Transcription
1
Monsieur, ausi tost que je receus votre lettre jenvoyè à Chateaubouc
2
pour ladvertir de ce que me mandiés ausi de ce prendre
3
garde, aient heu adviz qui dit cy Chateaubouc nest prins
4
ce soir, lon pretent quil le sera bien tost. Il seoit bon quil
5
vous pleut de les ranforcer de quelques souldars cy que
6
eusse heu. Ilz y seoit desja mès tout ce que je men suis
7
peu retrancher je les ay envoyés dans mes maisons
8
pour les renforcer et refrechir les aultres, qui y sont.
9
Lon me mande ausi que le sieur de Monbrom aient
10[barré : ranforcé ] fortiffié Loriol, quil a deux dessains, lung
11
daller à la Valoire, laultre passer par le Pouzin en
12
montaignes aveques des forces que monsieur de Sainct
13
Romain mayne [=mène]. Cyl ne a faict quelque choze quilz
14
atendent, Dieu veuilhe, estre plus de bien quilz nont à
15
continué. Jespère den tirer daventaige cy je puis. Quent
16
il vous plaira denvoier la chayne, je verè cy je
17
la pourra tendre. Lon ma escript dune de mes masons [=maisons]
18
quon atendoit Piere Gourde et quon dizoit vouloir aller
19
asalhir La Vaulquerras ce que je ne croy pas quil soit
20
cy hardy, où il fiet plus mal que de continué
21
nayent auzé jusques icy personne lentreprendre. Mesmes
22
quent le camp de messieurs les prinsses [=princes] et feu monsieur
23
lamyrar [Amiral] passa, ilz ne lentreprindre, mès les doubloit
24
bien fort. Je ne say cylz ont perdu le cueur ou cyl
25
y a quelqu’un qui les veulent empecher de bien faire.
26
Je vous suplie, Monsieur, en ce que je soie bonne pour
27
[118B]
28
le service du roy, le me commander car je ny espargnerai
29
ma vye ny ce que je pourè [=pourrai], comme ausi ferè je [= ferai-je] pour le
30
votre, et notre païs. Je vous tiendrè [=tiendrai] tousiours adverty de
31
tout ce que passera, me recommendant humblement à votre
32
bonne grace, suplient Dieu vous donner, monsieur, longue
33
vye. De Tournon, ce XXVe mars 1574
34
Votre humble et obeissante
35
Claude de Turenne